Vatikan bu gün tarixi bir hadisəyə şahidlik edib - XIV Leo adı ilə tanınan Robert Prevost rəsmi olaraq Müqəddəs Taxt-tacın rəhbəri oldu. O, Roma Katolik Kilsəsinin ilk amerikalı Papası kimi tarixə düşdü.
Bu barədə agentliyi Associated Pressə istinadən məlumat yayıb. Rəsmi taxta çıxma mərasimi 18 may bazar günü Romadakı Müqəddəs Pyotr meydanında baş tutdu. On minlərlə insanla yanaşı, dünya liderləri də mərasimə qatıldı. Ukrayna Prezidenti Volodimir Zelenski həyat yoldaşı Yelena Zelenska ilə birlikdə mərasimdə iştirak edənlər arasında idi.
Yeni Papa öz ilk xütbəsində dünyaya sülh və dialoq mesajı ünvanladı: “Papalığın iki əsas ölçüsü ilə – sevgi və birliklə – xidmət etmək istəyirəm. İlk arzumuz, Kilsənin və dünyanın birliyi olsun”, – deyə XIV Leo vurğuladı.
Papa mərasim zamanı yun çiyin papağı və “balıqçı üzüyü” ilə təltif edildi. Bu simvollar Roma Papasının rəsmi və dini statusunu təsdiqləyir. 69 yaşlı Robert Prevost, konklavın ikinci günündə yeni pontifik seçilib. O, 2023-cü ildə mərhum Papa Fransisk tərəfindən kardinal təyin olunmuşdu və Kilsədə yepiskopların təyinatı üzrə məsul quruma rəhbərlik edirdi.
Prezident Zelenski yeni Papa ilə eyni gün ilk rəsmi görüşünü keçirəcəyini bildirib. Onların ilk telefon danışığı isə mayın 12-də baş tutmuşdu. Papa XIV Leo, ilk bazar günü verdiyi günorta xeyir-duasında, Ukraynada ədalətli və davamlı sülhə çağıraraq bu istiqamətdə dualarını paylaşdı.
