ABŞ-ın keçmiş prezidenti Donald Tramp Çin hökumətini ticarət razılaşmalarını pozmaqda ittiham edib. Onun sözlərinə görə, ABŞ tərəfindən tətbiq edilən yüksək tariflər Pekin iqtisadiyyatına “dağıdıcı zərbə” vurub və bu, ölkədə fabriklərin bağlanmasına və sosial narazılıqlara səbəb olub.
Tramp bildirib ki, bu gərginliyin qarşısını almaq üçün vaxtında Çinlə razılaşma əldə edib:
“Baş verənləri gördüm və xoşuma gəlmədi – onlar üçün, bizim üçün yox. Bu, çox çətin bir vəziyyətə çevrilə bilərdi. Ona görə də tez bir razılaşma əldə etdim. Bu addım vəziyyəti sabitləşdirdi və Çin əvvəlki iş rejiminə qayıtdı. Hamı xoşbəxt idi!”
Lakin Tramp əlavə edib ki, hazırda Çin tərəfi bu razılaşmanı pozur və bunu, bəlkə də, “bəzi sosial şəbəkələrdə açıq şəkildə” etməkdə davam edir. O, Çini ABŞ-ın maraqlarına zidd fəaliyyət göstərməkdə günahlandıraraq, bu vəziyyətin yenidən iqtisadi gərginliyə səbəb ola biləcəyi barədə xəbərdarlıq edib.
