Neftçala rayon içtimaiyyətinə və təhsil sahəsinə ağır itki üz verib.
Ömrünün 45 ilə yaxın bir müddətini təhsil sistemində müxtəlif vəzifələrdə işləmiş, şagirdlərin təlim-tərbiyəsində mühüm rol oynamış tanınmış tarix müəllimi, Əliyev Şirməmməd Həsən oğlu uzun sürən xəstəlikdən sonra 7 may 2025-ci ildə əbədiyyətə qovuşdu.
Şirməmməd Əliyev 13 dekabr 1946-cl ildə Neftçala rayonunun Abasallı kəndində anadan olmuşdur. 1964-cü ildə Xıllı qəsəbə orta məktəbini bitirmişdir.
Əmək fəaliyyətinə Tatarməhlə kənd kitabxanasında müdir vəzifəsində başlamışdır. 1965-ci ildə sənədlərini Azərbaycan Dövlət Universitetinin (indiki BDU) tarix fakültəsinə vermiş və 1969-cu ildə oranı qırmızı diplomla bitirmişdir. Elə həmin il Neftçala şəhər orta məktəbində tarix müəllimi kimi təhsil sistemində işə başlamışdır.
1969-1970-ci illərdə hərbi xidmətdə olmuşdur. 1970-ci ildə hərbi xidməti başa vurduqdan sonra Aşağı Qaramanlı kənd 8-illik məktəbinə müvəqqəti olaraq direktor təyin edilmişdir.
1973-cü ildə əvvəl Neftçala şəhər orta məktəbində tarix müəllimi işləmiş, daha sonra isə həmin məktəbdə Tərbiyə işləri üzrə təşkilatçı vəzifəsinə irəli çəkilmişdir.
1979-cu ilin fevral ayında isə Neftçala Rayon Xalq Maarif Şöbəsinə (indiki Rayon Təhsil setkoru) Metodkabinet müdiri vəzifəsinə təyin edilmişdir.
1985-ci ildə iş keyfiyyətini və bacarıq qabiliyyətini nəzərə alaraq, əvvəl Neftçala rayon Partiya Komitəsinin təşkilat şöbəsinə təlimatçı, 1990-cl ilin fevral ayında isə daha yüksək vəzifəyə, Kargüzarlıq bölməsinə müdir təyin edilmişdir.
1990-cı ilin sentyabr ayından 1991-ci ilin sentyabr ayına kimi daha yüksək vəzifədə, Neftçala rayon Partiya Komitəsinin Nəzarət komissiyasının sədri vəzifəsində çalışmışdır.
1991-ci ildən 1995-ci ilə kimi Neftçala Rayon Xalq Maarif Şöbəsində əvvəl metodist, daha sonra isə Metodiki mərkəzin direktoru vəzifəsində işləmişdir.
1995-ci ildə Şirməmməd Əliyev daha yüksək vəzifəyə, Neftçala Rayon Xalq Deputatları Soveti sədrinin müavini vəzifəsinə seçilmişdir.
1996-cı ilin yanvar ayından 2014-cü ilin fevral ayına kimi (təqaüdə çıxana qədər) yenidən Neftçala Rayon Təhsil şöbəsində metodiki Mərkəzin direktoru və Neftçala şəhər 4 saylı orta məktəbdə tarix müəllimi kimi çalışmışdır.
Onun əziz xatirəsi onu tanıyanların qəlbində daim yaşayacaqdır.
Allah Rəhmət Eləsin!
Qabaqcıl təhsil işçisi,
"Tərəqqi" medallı Əlövsət Rzayev
