/BX LiveBLOG/

Donald Trampın "Azadlıq Günü" -  Qlobal ticarət müharibəsi və inflyasiya təhlükəsi 

ABŞ Prezidenti Donald Trampın “azadlıq günü” olaraq adlandırdığı aprelin 2-də, ABŞ-ın idxalına geniş rüsumlar tətbiq edəcəyi gözlənilir.

Bu addım, qlobal ticarət müharibəsini daha da dərinləşdirə və inflyasiyanın yüksəlməsinə səbəb ola bilər. Beynəlxalq ekspertlər, bu yeni tariflərin tətbiqi ilə qlobal iqtisadiyyatın artımının ləngiməsini və inflyasiya təzyiqlərinin artmasını gözləyirlər.

Ticarət rüsumları və Trampın planları...

Prezident Trampın tarifləri üçün hansı faiz dərəcəsini seçəcəyi hələ də dəqiq məlum deyil. Əvvəlki bəyanatlarında, o, müxtəlif ölkələrə tətbiq ediləcək tariflərin “bütün ölkələrə” şamil ediləcəyini, lakin gələcəkdə ticarət danışıqları ilə bu tariflərin azaldıla biləcəyini qeyd edib. Bu qeyri-müəyyənlik, investorlar və dünya iqtisadiyyatı üçün narahatlıq doğurur.

Tramp, uzun müddətdir ki, ABŞ-ı ticarət sahəsində istismar edildiyini iddia edir və bu rüsumları tətbiq edərək yerli istehsalı canlandırmağı və ABŞ-da iş yerlərini artırmağı məqsəd qoyur. O, həmçinin tarifləri gələcək vergi endirimlərini maliyyələşdirmək üçün istifadə etməyi planlaşdırır.

Bu arada ABŞ-ın ticarət tərəfdaşları artıq Trampın tətbiq etdiyi tariflərə cavab verməyə başlayıb. Kanadanın Baş naziri Mark Karni, Trampın addımlarını birbaşa hücum olaraq qiymətləndirib. Ölkə, ABŞ-a qarşı cavab olaraq 25 faizlik tariflər tətbiq edib. Eyni zamanda, Avropa İttifaqı da özünün əks-tarif tədbirlərini tətbiq etməyə başlayıb. Bu cür cavablar, qlobal ticarət müharibəsinin daha da sərtləşəcəyini və dünya iqtisadiyyatına əlavə təzyiqlər yaradacağını göstərir.

Trampın tariflər haqqında irəli-geri açıqlamaları, maliyyə bazarlarında narahatlığa səbəb olub. Asiya səhmləri və Avropa bazarlarında qiymətlərin düşməsi, investorların gələcək ticarət vəziyyətinə qarşı narahatlıqlarını göstərir. Qızılın qiymətinin artması, investorların riskli aktivlərdən qaçmasının bir göstəricisidir.

Tariflərin inflyasiyanı artırma potensialı da iqtisadçıların narahatlıq doğurduğu bir məsələdir. ABŞ-ın istehlak mallarının təxminən yarısı xaricdən gəlir və tariflərin artırılması, bu malların qiymətlərini qaldıra bilər.

İqtisadçılar, idxal olunan mallara rüsumların əlavə edilməsi ilə inflyasiyanın artacağı və nəticədə istehlakçılara yüklənəcək əlavə xərc ilə ABŞ-da istehlakçı əhval-ruhiyyəsinin daha da pisləşəcəyi qənaətindədirlər.

Bu arada məhşur maliyyə araşdırmaları firması TS Lombard-da Dario Perkins, Trampın ticarət siyasətinin ABŞ iqtisadiyyatı üçün "təhlükəli" təsirləri ola biləcəyini bildirib. Onlar hesab edirlər ki, ABŞ iqtisadiyyatı inflyasiya təzyiqləri ilə üzləşəcək və bu maliyyə bazarlarında daha böyük itkilərə səbəb ola, Trampın ticarət siyasəti, dünya iqtisadiyyatını potensial olaraq qlobal tənəzzülə sürükləyə bilər. /Bizimxeber/