/BX LiveBLOG/
ABŞ vitse-prezidenti J.D. Vens, Amerika administrasiyasının Qrenlandiyanın müstəqillik qazanması və sülh yolu ilə Birləşmiş Ştatlara qoşulmasına ümid etdiklərini açıqlayıb. Vens, bu prosesdə hərbi gücə ehtiyac olmadığını və hədə-qorxusuz bir yol izləyəcəklərini bildirib.
"Bizixmeber" yazır ki, vitse-prezidentin sözlərinə görə, Amerika hökuməti inanır ki, Qrenlandiya xalqı öz müqəddəratını təyin edərək, Danimarkadan ayrılaraq müstəqil olmağa qərar verəcək. Bu qərardan sonra ABŞ, Qrenlandiya ilə danışıqlara başlamağı planlaşdırır. Vens, bu cür bir addımın Qrenlandiya xalqının öz iradəsini ifadə etməsi və sülh yolu ilə reallaşması məqsədini güdür.
ABŞ prezidenti Donald Tramp, Qrenlandiyanın ölkəsinin təhlükəsizliyində mühüm yer tutduğunu və regionun qlobal təhlükəsizliyə də təsir edə biləcəyini dəfələrlə vurğulayıb. Vens də bu mövqeyi dəstəkləyərək, Qrenlandiyanın ABŞ-ın maraqları üçün əhəmiyyətini qeyd edib.
Donald Tramp əvvəllər Qrenlandiyanın hərbi yolla ilhaq edilməsini nəzərdən keçirdiyini açıqlamışdı. Qərb mətbuatının məlumatlarına görə, Ağ Ev nümayəndələri Danimarkanın Qrenlandiyada Amerika hərbi qüvvələrinin sayını artırmaq təkliflərinə açıqdırlar. Lakin Tramp, Qrenlandiyanı "sahib olmaq" istəyini ciddi şəkildə ifadə edib.
Mart ayında, NATO-nun baş katibi Mark Rutte ilə görüşündə, Tramp ABŞ-ın Qrenlandiyanı ilhaq etmə niyyətini təsdiqləyib və bu məsələnin ABŞ üçün prioritet olduğunu bəyan edib. Rutte isə, bu mövzuda Şimali Atlantika Alyansı ölkələrinin tərəfdaşı olmağı məsləhət görməyib və Trampın bu məsələdə daha diqqətli olması lazım olduğunu vurğulayıb. /Bizimxeber Live BLOG/
