Pakistan ordusu Hindistan briqada qərargahını məhv etdi – Genişmiqyaslı hərbi cavab davam edir

Pakistan Silahlı Qüvvələri Hindistan ordusuna məxsus briqada qərargahını hədəfə alaraq məhv edib. Təhlükəsizlik mənbələrinin verdiyi məlumata görə, bu zərbə Hindistanın son hava məkanını pozması və hərbi təxribatlarına cavab olaraq genişmiqyaslı cavab əməliyyatının tərkib hissəsidir.

Mənbələr bildiriblər ki, Pakistan tərəfi bir neçə cəbhədə Hindistan mövqelərinə qarşı “qəti və güclü” zərbələr endirir. Zərbənin dəqiq yeri açıqlanmasa da, strateji əhəmiyyətli briqada qərargahının məhv edilməsi hadisənin ciddiliyini və münaqişənin yeni mərhələyə keçdiyini göstərir.

Diplomatik çağırışlara baxmayaraq hərbi əməliyyatlar davam edir... /Samaa.TV/

Hazırda nə Yeni Dehli, nə də İslamabad vəziyyəti sakitləşdirməyə yönəlik diplomatik təşəbbüslərlə çıxış etmir. Beynəlxalq ictimaiyyət və regional güclər tərəfləri təmkinli olmağa çağırsa da, hadisələrin gedişatı göstərir ki, tərəflər qarşılıqlı cavab zərbələrini davam etdirməkdə israrlıdır.

***

***

Pakistan təhlükəsizlik mənbələrinin məlumatına görə, Hindistan Hərbi Hava Qüvvələrinə (IAF) məxsus iki Rafale döyüş təyyarəsi ölkənin Bahavalpur əyalətinin Əhmədpur Şərqi yaxınlığında vurulub.

Pakistan ordusu dərhal standart protokollar çərçivəsində hərəkətə keçib və hava məkanına müdaxilə edən təyyarələri zərərsizləşdirib.

Düşdüyü iddia edilən Rafale təyyarələrindən birinin qalıqları Pakistan ərazisində aşkar edilib. Pilotların taleyi barədə hələlik dəqiq məlumat yoxdur, lakin axtarış-xilasetmə əməliyyatları davam edir.

Pakistan rəsmiləri hadisəni “açıq-aşkar düşmənçilik aktı” adlandıraraq, bu cür hava məkanı pozuntularının ölkənin suverenliyinə ciddi təhlükə yaratdığını bəyan ediblər. Eyni zamanda vurğulanıb ki, Pakistan sülhə sadiq qalır, lakin öz ərazi bütövlüyünü qorumaq üçün bütün hüquqlarını saxlayır.

***

Pakistan Hərbi Hava Qüvvələri və Pakistan Ordusu Hindistanın hücumuna güclü və qəti cavab verir.

"Bizimxeber" bildirir ki, "Geo News"a danışan mənbələr pakistanlıların qanının nəyin bahasına olursa-olsun alınacağını bildirərək, indiyədək yalnız mülki vətəndaşların və silahsız vətəndaşların hədəf alındığını vurğulayıblar.

Mənbələr əlavə edib ki, hadisə yerindən görüntülər açıq şəkildə göstərir ki, hədəfdə yalnız günahsız və müdafiəsiz pakistanlılar olub.

Onlar hər bir günahsız pakistanlının qurbanının qisasının alınacağını bir daha bəyan etdilər.