Fransa prezidenti Emmanuel Makron gələn həftə Qrenlandiyaya səfər edəcək.
"Bizimxeber" Reuters-ə istinadən xəbər verir ki, bu barədə onun administrasiyası məlumat verib. Fransa prezidenti Qrenlandiyanın baş naziri Yens-Frederik Nilsen və Danimarkanın baş naziri Mette Frederiksenlə görüşəcək.
Liderlər arasında danışıqlarda Şimali Atlantika və Arktikada təhlükəsizlik, iqlim dəyişikliyi, enerji keçidi və minerallar müzakirə olunacaq.
Qeyd edək ki, bu səfər ABŞ prezidenti Donald Trampın strateji əhəmiyyətli mövqeyə malik minerallarla zəngin Arktika adasına nəzarəti ələ keçirməsi ilə bağlı səs-küylü bəyanatları fonunda baş tutacaq.
Danimarka və Qrenlandiya liderləri dəfələrlə cavab veriblər ki, ərazinin gələcəyini yalnız Qrenlandiyalılar həll edə bilər və Danimarka Konstitusiyası adaya müstəqillik hüququ verir.
Bu arada qeyd edək ki, mayın 22-də Qrenlandiya, alüminium istehsalında ekoloji cəhətdən təmiz bir alternativ ola biləcək ay qayasını çıxarmaq istəyən Danimarka-Fransa mədən şirkətinə 30 illik mədən lisenziyası verib. Həmçinin Qrenlandiyanın Biznes və Mineral Ehtiyatlar Naziri Naaja Nathanielsen xəbərdarlıq edib ki, ABŞ və Avropa şirkətləri adaya sərmayə qoymağa tələsməlidirlər, əks halda hakimiyyət öz faydalı qazıntılarını başqa ölkələrdə, xüsusən də Çində işlətmək üçün kömək istəməli olacaq.
