Macarıstanın baş naziri Viktor Orban, ölkəsinin Beynəlxalq Cinayət Məhkəməsindən (BCM) çıxmaq qərarını qurumun "siyasiləşməsi" ilə izah edib.
Bu barədə Orban, Budapeştdə İsrailin Baş naziri Binyamin Netanyahu ilə keçirilən mətbuat konfransında məlumat verib.
Orban, 2001-ci ildə Macarıstanın BCM-yə qoşulma sənədini imzaladığını qeyd edərək, "Artıq bundan sonra bu qurumdan çıxacaq şəxs mən olacağam," deyib.
Baş nazir, BCM-nin son illərdə artıq "qərəzsiz məhkəmə" deyil, "siyasi məhkəməyə" çevrildiyini vurğulayıb.
Orbanın sözlərinə görə, Macarıstan "demokratik hüquqi dövlət" olaraq belə bir qurumda iştirak edə bilməz. O, BCM-nin siyasi alətə çevrildiyini bildirib və bu səbəbdən ölkəsinin qurumdan çıxma qərarını aldığını açıqlayıb.
Mətbuat konfransında iştirak edən Netanyahu, Macarıstanın qərarını "cəsarətli" adlandırıb və bununla da ölkəsinin "demokratiyanı təhdid edən korrupsioner təşkilat" olaraq qiymətləndirdiyi BCM-dən çıxmasının, antisemitizmə qarşı qeyri-adi cəsarət göstərdiyini bildirib.
Bu açıqlamalar, Macarıstanın baş naziri Viktor Orbanın, İsrailin baş naziri Binyamin Netanyahu ilə Budapeştdə görüşdüyü günə təsadüf edir. Hökumətin BCM-dən çıxma təşəbbüsünü təqdim etdiyi cümə axşamı, sonradan ölkənin Haaqadakı Beynəlxalq Cinayət Məhkəməsindən çıxma proseduruna başladığı bildirildi.
Macarıstanın BKM-dən çıxma qərarı, beynəlxalq hüquq və siyasət baxımından geniş müzakirələrə səbəb olub. Bu addım, Orbanın ölkəsinin xarici siyasətində yeni bir mərhələnin başlanğıcı ola bilər.
BizimxeberLive BLOG
Ədil Hüseynov
