Los-Ancelesdə Milli Qvardiyanın zabiti küçə etirazlarını işıqlandıran avstraliyalı "9News" telekanalının jurnalisti Lauren Tomasiyə atəş açıb.
"Bizimxeber" bildirir ki, hadisə canlı yayımlanıb.
Görüntülərdə müxbirin bir qrup təhlükəsizlik işçisinin yanında xüsusi mikrofonla kamerada işlədiyi görünür. Bu vaxt polislərdən biri rezin güllə ilə onun ayağından vurur. Kameradan kənarda jurnalistin yaxşı olduğunu deməsi eşidilir.
Bu arada ABŞ prezidenti Donald Tramp hakimiyyət orqanlarının Los-Ancelesi miqrantlardan azad edəcəyini bildirmişdi. O, həmçinin onun immiqrasiya siyasətinə qarşı etirazları yatırmaq üçün şəhərə Milli Qvardiya göndərib.
Trampın qərarı, ictimai qarşıdurmaya baxmayaraq, milyarder Elon Musk tərəfindən dəstəklənib. O, Ağ Ev rəhbərinin Los-Anceles merinin Kaliforniyada davam edən etirazlar da daxil olmaqla, uğursuzluqlarına görə sakinlərdən üzr istəməsi çağırışlarını yenidən dərc edib.
Qeyd edək ki, Los-Ancelesdə etirazlar iyunun 6-da başlayıb. Sakinlər küçələri qismən bağlamağa başlayıb, polislə toqquşmalar başlayıb. Hüquq-mühafizə orqanları nümayişçiləri dağıtmaq üçün gözyaşardıcı qaz və qumbaraatanlardan istifadə edib, etirazçılar isə polisə atəşfəşanlıqla cavab veriblər.
