İsveç hökuməti Gürcüstan hakimiyyəti ilə bütün birbaşa əməkdaşlığı dayandırdığını elan edib.
Bizimxeber.az bildirir ki, bu barədə Dagens Nyheter xarici ticarət və beynəlxalq əməkdaşlıq naziri Benjamin Duzaya istinadən məlumat verib.
Nazir bildirib ki, İsveç Gürcüstanın hökumət strukturları ilə birbaşa əməkdaşlığı dayandırır və bu qərar hələ oktyabrın 26-da keçirilən səsvermədən əvvəl ölkədə uzun müddət davam edən demokratik geriləmə, o cümlədən “xarici agentlər” haqqında qalmaqallı qanunun qəbulu ilə əlaqədar qəbul edilib.
"Söhbət, digər məsələlərlə yanaşı, mövcud şəraitdə qeyri-münasib hesab etdiyimiz vergi orqanları arasında əməkdaşlıqdır" deyə Benjamin Duza bildirib.
O əlavə edib ki, əgər Gürcüstan yenidən kursu dəyişərsə, Stokholm əməkdaşlığı bərpa etməyə hazırdır – “Gürcü arzusu” hakimiyyətdə qaldığı müddətdə bu, çətin görünür. Gürcüstanın Aİ-yə keçidinə ciddi yanaşdığı və Avropa İttifaqı ilə münasibətlərə dəyər verdiyi ortaya çıxarsa, İsveçin qapısı açıqdır", - nazir bildirib.
İsveçin Gürcüstana ümumi yardımı ildə 190 milyon SEK-ə çatıb. 2024-cü ildə vətəndaş cəmiyyəti layihələri üçün 25 milyon kron (2 milyon avrodan çox) yenidən bölüşdürüldü.
"Bu vəsaitlər ilk növbədə vətəndaş cəmiyyətini maliyyə resursları və hüquq qabiliyyəti ilə dəstəkləməyə yönəldilib ki, onlar tətbiq edilən hüquqi məhdudiyyətlərə baxmayaraq fəaliyyətini davam etdirə bilsinlər", - Benjamin Duza bildirib.
