/BX LiveBLOG/
Fransa prokurorları keçmiş prezident Nikola Sarkoziyə 7 il həbs cəzası istəyib.
Prokurorlar iddia edirlər ki, Sarkozi 2007-ci il prezidentlik kampaniyasının maliyyələşdirilməsi üçün Liviyanın mərhum lideri Müəmmər Qəddafidən qeyri-qanuni vəsait alıb. Keçmiş prezident və onun yaxın tərəfdaşları, o cümlədən keçmiş daxili işlər nazirləri Klod Queant və Bris Ortefo, eləcə də keçmiş büdcə naziri Erik Vert bu ittihamlarla üzləşirlər.
Sarkoziyə 7 il həbs və 300 min avro cərimə, Queanta 6 il həbs, Ortefoya 3 il həbs, Werthə isə 1 il həbs tələb edilib.
İstintaqın əsas ittihamlarından biri Qəddafinin milyonlarla avro dəyərində maliyyə dəstəyi müqabilində Fransa ilə Liviya arasında diplomatik və biznes əlaqələrinin gücləndirilməsinə dair razılaşmadır. Prokurorlar bunu “ağılasığmaz, görünməmiş, ədəbsiz” sövdələşmə adlandırıblar.
Qeyd edək ki, 70 yaşlı keçmiş prezident korrupsiya ittihamı ilə daha əvvəl bir il ev dustaqlığında cəza çəkib. Fransa məhkəmələrinin bu yeni işlə bağlı yekun qərarı hələ verilməyib. /Bizimxeber Live BLOG/
