Çin şirkətləri ABŞ-dan mayeləşdirilmiş təbii qaz (LNG) almağı tamamilə dayandırıblar. Qeyd edilib ki, bu, ticarət müharibəsi səbəbindən Pekin və Vaşinqton arasında münasibətlərin pisləşməsi fonunda baş verib.
Financial Times-ın məlumatına görə, Amerika yanacağının sonuncu partiyası fevralın 6-da Çin limanına gəlib. Fevralın 10-da yükünü vaxtında boşalta bilməyən bir tanker Banqladeşə yönləndirilib.
O zaman ABŞ-dan gələn qaza 15 faiz rüsum tətbiq olunurdu. Sonra Çin 49%-ə qədər rüsum tətbiq edərək ABŞ-ın tariflərinə cavab verib. 2024-cü ilin sonuna kimi ABŞ-dan gələn qazın Çin idxalında payı cəmi altı faiz olduğu üçün itkilər hər iki tərəfə ciddi zərbə olmadı.
Qeyd olunub ki, ABŞ prezidenti Donald Trampın birinci dövründə Çin artıq Amerika LNG-nin tədarükünü dayandırıb.
Ekspertlər hesab edirlər ki, Çin və ABŞ şirkətləri arasında LNG-nin tədarükü üçün 13 uzunmüddətli müqavilənin olmasına baxmayaraq, Amerika qazının alınmasından imtina uzunmüddətli tədbir olacaq. Beləliklə, Çin idxalçıları çətin ki, bir daha ABŞ-dan qaz idxalı ilə bağlı müqavilələr imzalasınlar.
