Türkiyə və İsrail rəsmiləri iki regional gücün hərbçilərinin fəal olduğu Suriyada arzuolunmaz insidentlərin qarşısının alınması məqsədilə danışıqlara başlayıblar.
"Bizimxeber" english.alarabiya portalına istinadən bildirir ki, Azərbaycanda keçirilən texniki danışıqlar regionda hərbi əməliyyatlarla bağlı potensial toqquşmaların və ya anlaşılmazlıqların qarşısını almaq üçün kanal yaratmaq səylərinin başlanğıcı olub.
Mənbələrdən biri danışıqların miqyası və vaxtı barədə əlavə təfərrüatlar vermədən, "Bu mexanizmin yaradılması istiqamətində səylər davam etdiriləcək" deyib.
Təşəbbüs İsrailin Suriyaya hava hücumlarını artırmasından bir həftə sonraya təsadüf edir və bunu Dəməşqdə yeni qurulan hökumətə xəbərdarlıq kimi qiymətləndirib. O, həmçinin Türkiyəni Suriyanı Türkiyənin protektoratına çevirmək cəhdində ittiham edib.
Qeyd edək ki, "Reuters" keçən həftə bildirmişdi ki, Türkiyə hərbi qrupları Suriyada Dəməşqlə planlaşdırılmış birgə müdafiə paktının bir hissəsi kimi qüvvələr yerləşdirə biləcəkləri ən azı üç hava bazasını - İsrailin hava hücumları ilə obyektləri vurmasından əvvəl yoxlayıblar.
İsrailin Qəzzaya hücumları 2023-cü ildə başlayandan bəri diplomatik dirənişlər edən Türkiyə və İsrail, keçən həftə hər ikisi həmsərhəd olan Suriyada qarşıdurma istəmədiklərini söylədi.
Türkiyənin xarici işlər naziri Hakan Fidan texniki danışıqların getdiyini təsdiqləyib və bu cür mexanizmlərin iki regional gücün qüvvələri arasında anlaşılmazlıqların qarşısını almaq üçün zəruri olduğunu vurğulayıb. O, CNN Türk telekanalında bildirib ki, danışıqlar Türkiyənin ABŞ və Rusiya ilə münaqişənin aradan qaldırılması mexanizmlərinə bənzəyir.
