Hollandiyanın paytaxtı Amsterdamda bir gün əvvəl İsrail və Fələstinə dəstək aksiyaları zamanı 320 nəfər saxlanılıb.
Bizimxeber.az bildirir ki, bu barədə NOS polis məlumatlarına istinadən məlumat yayıb.
Bildirildiyi kimi, 20 nəfər “müxtəlif hüquqpozmalara”, xüsusən də ictimai asayişi pozmağa, insanları təhqir etməyə və atəşfəşanlığa görə saxlanılıb. Onlar həbs ediliblər. Hazırda onlardan neçəsinin hələ də həbsdə olduğu və nə vaxt azadlığa buraxılacağı məlum deyil. Qalan 300 etirazçı, polisin məlumatına görə, kütləvi nümayişlər haqqında qanuna əməl etməyib.
Fələstin tərəfdarı nümayiş yerli hakimiyyətin əmri ilə “ictimai qaydanın pozulması” səbəbindən dayandırılıb. Nümayişçilər avtobusla Amsterdamın şimalındakı bir yerə aparılıb və dərhal sərbəst buraxılıblar.
